Қақтығыс 16 маусым күні Үндістан-Қытай шекарасындағы бақылау сызығында болған. Бұл жерде 45 жылдан бері бірінші рет әскер қайтыс болды.
"Борышын өтеп жатқан үндістандық 17 әскер қақтығыс кезінде қатты жарақат алған. Таулы аймақтағы ауа қысымы мен алған жарақаты салдарынан қайтыс болғандар саны 20-ға жетті. Үндістан армиясы территориялық бөлінісін және елдің егемендігін қорғайды", - делінген Үндістан армиясының мәлімдемесінде.
Бейжің тарапы Үндістан әскерилері келісімді бұзып, шекарадан өткен және қытайлық әскерлерге шабуыл жасап, қақтығыс туғызғанын хабарлады. Ал Үндістан СІМ қақтығыс қытайлық әскерлердің Галван аңғарындағы бақылау сызығын сақтауды біржақты өзгерткісі келгені үшін қақтығыс шықты деп хабарлады.
Фото авторы : Mark Schiefelbein
