"Союз-2.1а" зымыран тасығышы адамға ұқсас роботпен бірге «Байқоңыр» ғарыш айлағынан ұшырылды. Орбитаға шыққан соң ғарыш кемесі Халықаралық ғарыш станциясына екі тәулікте жетуі тиіс, робот ұшу кезеңдерін хабарлап отырады.
Орбитада Федор 17 тәулік жұмыс істейді. Осы уақыт аралығында Халықаралық ғарыш айлағындағы ғарышкерлер оператордың қимылын қайталайтын арнайы костюм көмегімен роботты басқарады. Содан кейін ол қайта Жерге оралып, Қазақстанға 7 қыркүйек күні 00.35-те қонады.
"Союз-2.1" зымыран-тасығышы ұшырылар алдында робот ұшу алдындағы дайындық туралы баяндады. "Кеттік!" пәрменін айтуды да ұмытқан жоқ. 10 минут бойы ұшудың параметрі мен байқаған жағдайлар туралы комментарий білдіріп отырды.
