Украинада Владимир Зеленский президенттік лауазымды сайлаудың екі туры бойынша жеңгеннен кейін, халық арасында біраз ой-толғаулар айтылуда.
Ең біріншіден, оның жеңісі барлық ТМД елдеріне вирус сынды тарап, көптеген бұқара халыққа жаңа үміт шоғын сыйлағандай болды. Себебі, соның салдарынан көпшілік, өздерінің елдерінде ұқсас түбегейлі өзгерістерді қалап отыр.
Екіншіден, оның саясатта тәжірибесі болмағанмен, жасы орта деңгейде болғанымен қажетті серпіліс алып келетініне Украина халқы үміт артып отыр.
Үшіншіден, ұлықтау рәсімі кезінде сөйлеген сөзі Орта Азия елдерінің халқына жағымды естіліп, құптарлық жағдайда болып тұр.
Енді, өзінің лауазымына ресми түрде кірісіп, украиндық парламентті таратып жіберді. Одан бөлек, бизнесмен Игорь Коломойскидің адвокатын – Андрей Богданды Президент Әкімшілігі басшысы етіп тағайындады. Одан бөлек, өзінің бірінші көмекші ретінде – «Квартал 95» жобасының продюсері Сергей Шефирді, Сергей Трофимов пен Юрий Костюкты Презиеднт Әкімшілігі басшының орынбасарлары ретінде тағайындау бойынша бұйрыққа қол қойды.
Нәтижесінде, «Слуга Народа» жазылған сценарий бойынша өзгерістерді алып келсе, Украинада өмір түбегейлі өзгеретіні сөзсіз.
Аталмыш бастамалар мен тағайындаулар немен және қалай аяқталатыны уақыт еншісінде.
