Өрттен 33 адам қаза тауып, 36 адамды күйік шалған. Зардап шеккендер ауруханаға жеткізілді.
Бұған дейін белгісіз біреу Kyoto Animation Co. анимациялық студиясында жанатын сұйықтық төгіп, сол жерде жергілікті уақыт бойынша таңғы сағат 10:35-те өрт басталғаны хабарланған еді. Өрт шыққан кезде үш қабатты ғимаратта 70-ке жуық адам жұмыс істеп жатқан.
Полиция хабарлағандай, ер адамның «Өл!» деп айқайлап, ғимаратты жағып жібергенін көрген куәгерлер бар. Сондай-ақ, оқиға орнынан пышақтар табылған.
Полицияның дерегі бойынша, жарақаттанып, ауруxанаға жеткізілгендер арасында 41 жастағы ер адам өрт қойғанын мойындаған.
