Қазақстандық "Мулан" жобасына каскадер әрі аттарды шеберлік әдістерге дайындайтын маман ретінде шақырылды.
"Фильм продюсерімен Netflix-қа "Марко Поло телехикаясын дайындау барысында танысқан едік. Ол менің "бөрілер жасағының" қолбасшысы, Бори Хан болуға мүмкіндігім барына сенді. Жалпы үш көріністе өнер көрсетемін - әскери кеңесте, шабуыл және актер Донни Йенмен тартыс барысында", - деді Nomad Stunts каскадерлар тобының жетекшісі, шеберлік әдістер қоюшы әрі актер Жайдарбек Күнғожинов.
"Disney-мен бірлесіп жұмыс істеген өте ұнады. Түсірілімдегілердің көбісі қазақтарды бірінші рет көрді, сондай елдің барына таңғалды. Дегенмен экшн-салада көптен бері жұмыс істеп келе жатқан актерлар, режиссерлар біздің жігіттерді таниды. Режиссерлар Жайдарбек Күнғожиннан арнайы көріністерді қалай түсірген дұрыс болар деп ақыл-кеңес алған еді", - деді каскадер Жандос Айбасов.
Каскадердің айтуынша, кинодағы аттың үстіндегі шеберліктердің барлығын қандастарымыз орындады.
Қазақ каскадерлар тобы түсірілім алаңында жарты жылдай болды.
