Сонда тәлім алып жүрген қазақ студентіне әдеттегідей ауылдан пісірілмеген шикі қазы - қарта келеді. Қуанышы қойнына сыймай көптен аңсаған тағамын асыға пәкетте көтеріп келе жатып жыртып алады. Ішіндегі қазы - мазысы жайыла шашылып қалса керек. Студентіміз пәкеті жыртылғасын көп ойланбастан жылдам күрткесін ашып қойнына тығып жіберіп әрі жүгіре кетеді . Алақ-жұлақ жолды кесіп өтпекші болғанда жеңіл автомобиль қырсық шалғанда жанай қағып кетсе керек.
Одан әрі автокөлік жүргізушісінің сөзінен:
"Жігітті қағып, мен қатты қорқып зәрем зәр түбіне кетті ! Машинадан атып шыға оның асфальтта жатқанын көрдім. Жігіттің айналасында ішек қарыны ақтарылып жатыр. Бұндайды өмірі көрмеген мен көзімді тұман басып , демім таусыла талып қалдым.
Есіме шала келе бастағанда жаңағы жігіт асфальттан ішек қарнын жинап қойнына тығып әлек. Оны көріп тағы талып қалыппын . Оқиға орнына келіп жеткен жедел жәрдем ішек қарны шашылған жігітті таппады, бірақ мені екінші талмамнан есімді жиғызды.
#қазы #ет #әңгіме #мәскеу #студент #тарихимұра
