USD 435.2
EUR 491.17
RUB 5.54
«Алыптың қуаты – халықта, халықтың қуаты – бірлікте!»
 
RSS лента

30 жыл бұрын Қазақ КСР-і Қазақстан Республикасы деп өзгерді

  • 10.желтоқсан.2021, 10:32,
  • 78

«Nur Otan» партиясының баспасөз қызметі «Тарихта осы күні» айдарымен әлеуметтік желілерде халық сайлаған елдің Тұңғыш Президенті Нұрсұлтан Назарбаев ант берген тарихи дата – 1991 жылғы 10 желтоқсан күніне арналған бейнеролик жариялады.

Осыдан тура 30 жыл бұрын дәл осы күні Қазақ КСР-нің атауын Қазақстан Республикасы деп өзгерту туралы шешім қабылданды.


«Тәуелсіздік алғаннан кейін еліміздің мемлекеттік шекаралары нақты белгіленді. Қоғамда бейбітшілік пен келісімнің бірегей үлгісі – Қазақстан халқы Ассамблеясы құрылды. Қазақстан қуаты жағынан әлемдегі төртінші ядролық арсеналдан бас тартты»,- делінген бейнероликте

Кедейлік деңгейі 10 есе, яғни 46,7-ден 4,6%-ға дейін қысқарды. 400 миллиард доллар тікелей инвестиция тартылды. Бұл – Орталық Азия елдеріне келетін барлық инвестиция ағымының 75%-дан астамы.


«170 миллион шаршы метр тұрғын үй пайдалануға берілді. 30 мың шақырым жол салынып, қайта жаңартылды. 1400 жаңа денсаулық сақтау нысаны, 1800-ден астам жаңа мектеп пен 900 балабақша ашылды»,- деп атап өтті партияның баспасөз қызметі, Қазақстан халқын келе жатқан Тәуелсіздік күнімен құттықтай отырып.



Еске сала кетейік, «Nur Otan» партиясы Саяси кеңесінің кеңейтілген отырысында Қазақстанның Тұңғыш Президенті – Елбасы Нұрсұлтан Назарбаев қазақстандық жастарға негізгі бағдар болатын «Елдіктің 7 тұғыры» қағидаттарының жиынтығын ұсынған болатын.


Олар, «Тәуелсіздік – кез келген азамат үшін ең қастерлі құндылық», «Бірлік пен келісім – елдігіміздің мызғымас тұғыры», «Жер – ата-баба мұрасы, халық қазынасы», «Отбасы мен салт-дәстүр – қоғамның алтын діңгегі», «Ұлттық мәдениет – халықтың рухани тірегі», «Білім мен еңбек – бақуатты өмірдің кілті» және «Прагматизм – бәсекеге қабілетті болудың кепілі» қағидаттары.

скачать dle 12.0
Тағы да оқыңыздар:
19.07.2021
23.03.2021
16.09.2020
26.08.2020
31.05.2019
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Қантар 2022    »
ДсСССрБсЖмСнЖс
 12
3456789
10111213141516
17181920212223
24252627282930
31