Ол кезде меркіттер мен Оң ханның арасы жақсы болса керек. Ал Оң хан мен Шыңғыс ханның әкелері ертеден дос - жар болатын. Оң хан Шыңғысты өз баласына балайтын.
Сондықтан да қолға түскен ханшаны өз келініндей ұстап, оған адал көңілімен мүсіркей қарайды. Оң ханның әмірлері: ,,Әйелдікке алуың керек,,- дегенде, Оң хан: ,,Жоқ бұл менің келінім, оған сатқындық жасауға болмайды,,- деп жауап береді. Шыңғыс хан бұл жағдайды естісімен- ақ Сартақтың атасы Сапаны жұмсап, ханшаны алып келуді тапсырады.
Оң хан болса оларды сый -құрметпен қарсы алып, ханшаны беріп жібереді. Сапа мен ханша Шыңғыс ханға қайтып келе жатады. Осы сапар жолда Жошы дүниеге келеді. Жол ауыр, паналайтын жер жоқ оның үстіне жолдың қауіп қатері көп болғандықтан, Сапа ұннан қамыр илеп жаймалайды да, оған жас нәрестені жайлап орайды. Міне, осындай қиын кезде, жол үстінде жосып келе жатқанда туған балаға Жошы деп ат қояды.
Ақселеу Сейдімбек. 5-ші томы.
