Комиссия қала тұрғындарының Антропов, Мұсабаев, Белинский, Нөгербеков, Некрасов, Төлендинов, Әуезов және Школьная көшелеріндегі жолдардың нашар жағдайына шағымдарынан кейін тексеру жүргізді. Тұрғындардың айтуынша, көшелерде батпаққа батады, тіпті ауыр техника жүре алмайды.
"Партиялық бақылау комиссиясының тексеру қорытындысы бойынша, Үштөбе әкімі Сағынбек Карбузовқа 1 маусымға дейін жол жөндеу жұмыстарын аяқтауға кеңес берілді.
Сондай-ақ, әкімге сөгіс түрінде партиялық жаза жариялау ұсынылды. Бұл мәселе партияның облыстық филиалының бақылауында", - деп хабарлады Nur Otan өкілдері.
Бұған дейін тұрғындар қалаға су құбырларын салу жоспарланғаннан кейін қиындықтар басталғанын айтқан болатын.
"Су да, жол да жоқ. Бәрін қазып тастады, кейін қалай болса солай көмді, су да берген жоқ. Қазір ол жер балшық болып жатыр. Менің көшеме жедел жәрдем де, өрт сөндіру қызметі де, газ қызметі де кірмейді", - деді қала тұрғыны Евгения Нам.
#жолдар #өткел #жөндеу #әкім #сөгіс #жаза #Үштөбе
