Ол қалада COVID-19 вирусына байланысты жағдай күрделене түскенін атап өтті.
"9 желтоқсандағы дерек бойынша Алматыдағы эпидемиологиялық жағдай күрделене түсті. Бұл Қазақстан өңірлерінің эпидемиологиялық жағдайын бағалау матрицасының "жасыл" және "сары" аймақ арасындағы шекарада болуымен байланысты.
Жыл басынан бері қалада коронавирус инфекциясын жұқтырудың 16 667 дерегі, тамыздан бері COVID-19 белгілері бар пневмонияның 1 205 дерегі тіркелді", - дейді Бекшин.
Еске салайық, Алматыда жаңа шектеулер енгізілді. Себебі қала коронавирустың таралуы бойынша "сары" аймаққа оралды.
Денсаулық сақтау министрлігінің деректері бойынша, 8 желтоқсандағы жағдайға сәйкес, Павлодар және Солтүстік Қазақстан облыстары "қызыл" аймақта. "Сары" аймақта: Шығыс Қазақстан, Атырау, Қостанай, Ақмола облыстары және Нұр-Сұлтан қаласы. Қалған өңірлер "жасыл" аймақта орналасқан.
#коронавирус #бекшин #алматы #карантин #пневмония
