"Білім және ғылым министрі COVID-19-ды анықтауға тест тапсырды. Нәтижесі теріс болып шықты. Асхат Қанатұлының жағдайы жақсы, бірақ ереже бойынша, ол оқшауланып, қашықтан жұмыс істейді. Сондай-ақ, хаттамаға сәйкес белгілі бір уақыт өткен соң ол қайтадан тест тапсырады", - деді министрліктің баспасөз қызметі.
Бұдан бөлек, Премьер-министр Асқар Мамин мен Жамбыл облысының әкімі Бердібек Сапарбаевтың да коронавирусты анықтауға тест тапсырғаны белгілі болды. Олардың да нәтижелері теріс болып шыққан. Тестілеуден өткендер оқшауланып, видеобайланыс арқылы жұмыс істеп жатыр.
12 маусымда Асқар Мамин жұмыс сапарымен Жамбыл облысына барған болатын. Кездесуде Елжан Біртанов, Асхат Аймағамбетов пен Сапарбаев болған еді.
Осыған дейін Денсаулық сақтау министрі Елжан Біртановтан коронавирус анықталғаны белгілі болды.
