Нұр-Сұлтан қаласының қылмыстық-атқару жүйесі департаменті өкілдерінің айтуынша, Бағлан Майлыбаев Нұр-Сұлтанның тергеу изоляторынан 30 мамырда босап шыққан. Ол 1 жыл 4 ай 21 күн түрме жазасы қалған кезде босап шыққан. Алайда бұл туралы ақпарат еш БАҚ-та жарияланбады.
Президент әкімшілігі жетекшісінің бұрынғы орынбасары Бағлан Майлыбаев 2017 жылы қызметінен босатылған. Майлыбаев "Қызмет бабын теріс мақсатта пайдалану" және "Мемлекеттік құпияларды заңсыз жинау, тарату, жария ету" бабы бойынша 5 жылға сотталған еді.
