Алматы полициясының алдында жиналған бір топ азаматтар ақынның босатылуын талап етті. Қолдаған жандарға ризашылығын білдіріп, аман-есен үйлеріне тарауын өтінді.
"Арандатушылыққа қарамай, тыныш үйлеріңізге қайтуларыңызды сұраймын. Ешкімге реніш жоқ. Мен сіздер үшін өлуге дайынмын. Бірақ ешкімнің қанын мойныма көтергім келмейді", — деп жиналған қолдаушыларын сабырға шақырды.
Бұған дейін Ринат өзінің Facebook парақшасында халыққа айтар үндеуі, жарияйтын мәлімдемесі барын хабарлады. "Алматы Арена" маңында жиналған жұрт алдында тізерлеп алданғаны үшін кешірім сұрады. Ендігі кезекте қажетті заңгерлік білім алып, өзінің жеке партиясын құруға, халықты бастауға дайыр екендігіне сендірді.
Фото авторы : tengrinews.kz сайтынан
Авторы: Аружан Қуандық
