Әскери, экономика, идеология жағынан біз әлі әлсіз ел болғандықтан көршілер бізге тіл саясатымыз туралы ақыл айта бастады. Ертең ішкі саясатымызды билеп, кадрларды реттей бастайды.
Олай болдырмас үшін бүгіннен бастап біз әскери күштерімізді нығайтуымыз керек. Әзербайжан бізге үлгі болсын. Бұны қалын қаражатсыз істей алмаймыз. Сондықтан шынайы экономика реформалар басталу керек. Ол үшін жемқорлықты жеңіп, олигархатты қысу керек. Бізге жемқор емес, мықты экономика қажет.
Кедей халық - әлсіз, надан, намыссыз халыққа айналып барады. Сол себеппен бірінші кезекте халықтың жағдайын жақсарту керек. Қалай? Бос жатқан жерді босатыңдар, халыққа қол жетімді қылыңдар.
Біз күшті болмасақ, біздікі дұрыс болса да, бізді көршілер де менсінбей береді. Одан да жаман сөз еститін боламыз. Сол үшін елге көз бояушылық емес - шынайы реформа керек!
Авторы: Мұхтар Тайжан
