Әлеуметтік желі қолданушылары Алматыда қылмыстық топтың ұсталған сәті түскен видеоға белсенді түрде пікір жазып жатыр. Кейбіреуінің айтуынша, ұсталғандардың ішінде бірнеше адам Mad Men Q-рор тобының мүшелеріне ұқсас. Олардың ішінде пікір қалдырушылар топ мүшесі Moora мен олардың продюсері Руслан Хванды танып отыр.
Қалалық полиция департаментінің мәліметінше, ұсталғандардың арасында Mad Men тобына қатысы бар адамдар болған.
"Бір күн бұрын ұсталған, синтетикалық есірткі жасап, таратқан 10 адамның екеуі аталған шығармашылық ұжымға қатысы бар. Еске салайық, санкцияланған тінту бірнеше мекен-жай бойынша жүргізілді. Тергеу жалғасып жатыр", - деп мәлімдеді Алматы ПД баспасөз қызметіндегілер.
Ескерту! Видеода бейәдеп сөздер айтылады!
Еске салайық, Алматы полициясы тұрақты есірткі желісін жойды. Оның құрамында 21 жастан 30 жасқа дейінгі 10 адам болған. Топты басқарған - 1994 жылы туған Х. есімді ер адам.
"Қолда бар жедел мәліметтерге сәйкес, топтағы адам бірнеше айдан бері Алматыда синтетикалық есірткіні өндірумен және сатумен айналысқан. Х.-ның және оның "көмекшілерінің" қылмыстық әрекеті ресми түрде құжатталды", - деген еді Алматы қалалық Полиция департаменті бастығының орынбасары Берік Әбілбеков.
#Q-рор #MadMen #есірткі #наша #қылмыс #тергеу #жаза
