Назарбаев көшесінің бойында орналасқан ғимаратта "Жұмақ" қонақ үй кешені болған. Өрт бірінші қонақ үйден шығыпты.
"Мен жыпылықтап тұрған жарықты байқадым. Желдеткіш жақтан қатты түтін шыға бастады. Мен терезелерді ашып жатқан кезде түтін түгелдей пәтерге тарап кетті. Нәтижесінде дәретхананың төбесі құлады", - деді үйдің тұрғыны Павел Рощупкин.
Төтенше жағдайлар департаменті өрт осы қонақ үй кешенінің сауна бөлмесінде басталғанын хабарлады. Өрттің ауданы 15 шаршы метрді құрады, зардап шеккендер жоқ.
"Сағат 09:18-де хабарлама келіп түсті. Оқиға орнына жеке құрам келді, 30 тұрғын эвакуацияланды. Екі адам терезе саңылауы арқылы қонақ үй кешенінен эвакуацияланды", - деді мамандандырылған өрт сөндіру бөлімінің бастығы Данияр Алимкин.
Естеріңізге сала кетейік, бұған дейін Петропавлда Интернациональная көшесіндегі жатақханада өрт шығып, үш адамның өмірін қиған болатын.
#жатақхана #өрт #Петропавл #тілсізжау #ТЖ
Петропавлдағы көпқабатты үйде болған жарылыстың видеосы пайда болды
