Төтенше жағдайлар департаменті облыстың сегіз ауданында 3112 абонент электр жарығынсыз қалғанын хабарлады.
"Бәйтерек ауданында Шалғай, Трекино, Көшім, Озерное, Забродино, Беспішен, Никонор, Хайруш, Оразғали, Жұлдыз, Жагор, Казталов ауданында Бесоба, Жаңажол, Қабыршақты, Жаңақала ауданында Бөркі, Саралжын, Теректі ауданында Бөкей, Федоровка, Шыңғырлау ауданында Жіңішке, Сырым ауданында Қазақстан, Жаңаталап, Тұңғыш, Бөрлі ауданында Қарашығанақ ауылы тұрғындары жарықсыз қалды", - деп хабарлады БҚО ТЖД өкілдері.
Қазіргі уақытта БҚО-да ауа райының нашарлауына байланысты ескерту жарияланды. Аймақта ауа температурасы 27 градустан төмен және секундына 20 метр жел соғып тұр.
"Автожолдардың 11 учаскесі жабылды, оның бесеуі республикалық маңызы бар тасжол. Қар күреуге 21 техника жұмылдырылды. Жылыту пунктіне бес адам орналастырылды", - деді құтқарушылар.
БҚО-да жедел штаб құрылды, 554088 нөмірі бойынша жедел желі телефоны жұмыс істейді.
#жарық #элект #ауарайы #боран #жел #аяз #БҚО
