Бұл арада сөз коронавирустың кез-келген түріне шалдыққан науқастардың ауруханаға жатқызылуы жайында болып отыр.
MedSupportKZ дәрігерлері мен ғалымдарының қауымдастығы, сондай-ақ бұл нормаға бей-жай қарай алмайтын азаматтар мұндай жаңашылдыққа қарсылық білдіреміз, - делінген аталған қауымдастықтың Facebook парақшасында жарияланған хатта.
Одан соң бұл ұстанымға негіздер келтіріледі.
Біріншіден, Қазақстан Республикасы Денсаулық сақтау министрлігінің РЖСМ-нің 2020 жылы 3 желтоқсанда бекітілген "Ересектердегі коронавирус инфекциясы" клиникалық хаттамасына сәйкес, симптомы білінбейтін науқастар инфекциялар ауруханаға жатқызуды және арнайы емдеуді қажет етпейді деп көрсетілген. Яғни, белгісі білінбейтін, ауру деңгейі жеңіл және орташа науқастарды ауруханаға жатқызу клиникалық хаттамаға қайшы келеді, делінген хатта.
Екіншіден, дәрігерлер ауруханаға жатқызылған науқастарға негізсіз антибиотиктер, антикоагулянттар және басқа да дәрілер тағайындалуы мүмкін деп қорқады.
Сонымен қатар, сарапшылар, көптеген халықаралық және қазақстандық зерттеулер көрсеткендей, індеттің алғашқы толқынынан кейін антибиотиктерге төзімді супербактияларды жұқтыру қаупі күшейген. Ауруханаға жатқызылған науқастар ең қауіпті аурухана флорасын жұқтыруы ықтимал, бұл бактериялық асқынулардың артуына және сепсис пен пневмониядан болатын кісі өлімін көбейтуге әкеліп соғуы мүмкін.
Төртіншіден, ең бай елдер де КВИ-мен ауыратын барлық науқастарды ауруханаға жатқыза алмайды. Ақпан-наурыз айларында, Денсаулық сақтау министрлігінің болжамына сәйкес, індеттің шарықтау шыңы күтілуде, бұл төсек-орынға, дәрі-дәрмектерге және еңбек ресурстарына үлкен ауыртпалық түсіретінін білдіреді. Барлық науқастарды ауруханаға жатқызу денсаулық сақтаудың бюджеті мен қаражатын сарқып, созылмалы аурулары мен асқынулары бар ауыр және ерекше ауыр науқастарды уақтылы және жедел медициналық көмек алу құқығын шектейді, - дейді дәрігерлер.
Барлық науқастарды ауруханаға жатқызу дәрігерлердің жетіспеушілігі мен жүктемесін жасанды түрде тудыруы мүмкін, салдарынан олар науқастарға жеткілікті уақыт пен көңіл бөле алмайды (оның ішінде басқа аурулары бар).
Бесіншіден,симптомы білінбейтін науқастарды ауруханаға жатқызу науқастардың медицинаға және билікке деген сенімсіздігін тудыруы мүмкін. Пациенттер ауруханада жағдайдың нашарлауынан басқа науқастармен байланыста болудан қорқады, сондықтан олар тестілеуден аулақ болады, ауру белгілері мен денсаулық жағдайларын жасырады. Медициналық ауруханаға мәжбүрлеп жатқызу медицина қызметкерлеріне қатысты агрессияны, медициналық мүлікті бүлдіруді және ауруханаларда жұмыс жағдайының бұзылуын тудыруы мүмкін, деп санайды MedSupportKZ командасы.
