Бүгін ҚР Денсаулық сақтау министрлігіне қарасты "Отан соғысы мүгедектеріне арналған орталық клиникалық госпитальден" коронавирус жұқтырған соңғы науқас жазылып шықты. Енді госпиталь бұрынғы жұмысын қайта жалғастырады. Осы жылдың 24 маусымында министрліктің бұйрығымен аталған госпиталь провизорлық стационар ретінде қайта бейінделген болатын. Содан бері Covid-19 белгілерінің бар жоғын анықтап, індетке шалдыққан науқастарға толыққанды ем жасап келді.