СҚО санитариялық-эпидемиологиялық бақылау департаменті баспасөз қызметінің мәліметінше, КВИ жұқтырғандардың ішінде сырттан келгендер көп.
Оның басым бөлігі – Ресейден келген.
Мәселен 6 қазан мен 9 желтоқсан аралығында Ресейден автомобиль жолдарындағы шекара бекеті арқылы 33,5 мың адам өткен.
Жаяу өткен 8900 адамның қолында ПТР тест қорытындысы болған. Ал 1991 адам, олардың барлығы ел азаматтары, анықтамалары болмағандықтан карантин стационарына орналастырылды.
Сол жерде COVID-19 зертханалық зерттеу жүргізілді. 201 адамның қауіпті инфекцияны жұқтырғаны анықталып, 21-і инфекциялық стационарға жатқызылды.
Қалғаны амбулаторлық ем алуға жіберілді.
Шетелдік 252 азаматқа шекара арқылы өтуге тыйым салынды. Олардың қолында ПТР-тест қорытындысы болмаған.
#коронавирус #пандемия #карантин #шекара #сқо
