Жаңа орталықтың ашылуына Денсаулық сақтау министрі Елжан Біртанов келді.
Бір қабатты ғимарат 200 төсек-орынға арналған, модульді үлгі бойынша салынды. Госпиталь қаладағы "Ақжайық" шағынауданында бой көтерді.
"Біздің жұқпалы аурулар ауруханасында компьютерлік томография еш уақытта болмаған. Ал бұл жерде цифрлық рентген аппараты бар. Сосын 20 дана өкпені жасанды жолмен желдету аппараты әкелінді", - дейді қалалық жұқпалы аурулар ауруханасының бас дәрігері Амангелді Нұрлыбаев.
Госпитальдың бір ерекшелігі - мұнда операциялық блок пен перзентхана бөлмесі бар. Сонымен қатар, реанимациялық залдар open space қағидаты бойынша ашылған. Бұл медициналық персоналға пациенттердің жағдайын бақылауды жеңілдетеді.
Фото авторы : tengrinews.kz
