18 күннің ішінде бой көтерген жаңа медициналық мекеме коронавирус инфекциясымен ауыратын науқастарды емдеуге арналған.
"Бүгін біздің дәрігерлер мен барлық медициналық қызметкер ұйқысыз әрі демалыссыз коронавирустық инфекциямен күресіп жатыр. Өздерін аямай, бізді қорғауда. Біздің міндетіміз - олардың жұмысына барлық жағдайды жасау. Жаңа кешен жұқпалы орындардың жеткілікті қорын құруға мүмкіндік береді. Бұл қаладағы эпидемиологиялық жағдайды тұрақтандыруға ықпал етеді", - деді Бақытжан Сағынтаев.
Жұқпалы аурулар ауруханасы 280 адамға есептелген. Ішінде 9 клиникалық бөлімше, 28 төсекке арналған реанимация бөлімшесі, бір кісілік және далаға бөлек шығуға болатын 10 палата, динамикалық бақылауда болатын бес бір кісілік палаталары бар қабылдау бөлімі орналасқан.
