Нөсер жауынға байланысты Түркістан, Жамбыл, Алматы облыстарының таулы аудандарында және Алматы қаласына іргелес аумақтарда беткейлік ағынның қалыптасуы және өзендердегі судың деңгейі көтерілуі мүмкін.
15 мамырда Нұр-Сұлтан қаласында күн күркіреп, бұршақ жаууы мүмкін. Таңертең және күндіз оңтүстік-батыстан соққан желдің екпіні секундына 17-22 метр болады.
Ақмола облысының басым бөлігінде жаңбыр жауады деген болжам бар. Кей жерлерде найзағай ойнап, дауыл тұрып, бұршақ жаууы мүмкін.
Алматы қаласында нөсер жауын, бұршақ жауып, жел тұрып, найзағай ойнап, желдің екпіні секундына 15 метрге жетеді. Алматы облысында нөсер жауын, бұршақ жауып, найзағай ойнап, дауыл соғуы мүмкін. Найзағай кезінде желдің екпіні секундына 17-22 метрге жетеді.
Шымкент қаласында найзағай ойнап, дауыл соғады. Найзағай кезіндегі желдің екпіні секундына 15-20 метрге жетеді.
Түркістан, Қызылорда, Қарағанды, Қостанай, Павлодар, Солтүстік Қазақстан облыстарында нөсер жауын, бұршақ жауып, найзағай ойнап, найзағай кезінде желдің екпіні секундына 15-20 метр болады.
