Ел ғалымдары зерттеу жұмыстарының алғашқы нәтижесін шығарды. Қазір қауіпті вирустың генетикалық, иммуно-биологиялық қасиеттерін жан-жақты зерттеуге кіріскен.
Зертхана қаладан алшақ аумақта орналасқан. Бұған дейін мұнда құс тұмауы, доңыз тұмауы сияқты қатерлі індеттердің емі жасалып шығарылған.Вакцина жасау жұмыстары «Биологиялық қауіпсіздік проблемаларының ғылыми-зерттеу институтының» базасында жүргізілуде.
Мамандар COVID 19-ды зерттеу үшін адам мен жануарлардан алынған жасушаларда вирусты қолдан өсірген. Бірнеше рет қайта зерделеп, нәтижесін бақылап көрген. Қазір ғылыми зерттеулер жалғасып жатыр. Енді алғашқы вакцина дайын болған соң зертханалық жануарларға салу арқылы тексерілмек.
Ғалымдардардың айтуынша, күзге қарай вакциналар дайын болады. Олар екі векторлық және бір ақуыздық вакцина жасауды көздеп отыр. Ішінен ең тиімді әрі сапалысы ұсынылмақ.
