Видеода ер адам базардан 3 мың теңгеге сатып алған әмиянын көрсеткен. Видео авторының сөзінше, әмиянның ішінде банк картасынан ақша ұрлайтын чип болған. Оның айтуынша, есептегі 2 мың теңге жоқ болып кеткен. Видео авторы қазақстандықтарды сақ болуға шақырды.
Кибер шабуылдарды зерттеу және талдау орталығының директоры Арман Әбдірасылов ер адамның жорамалы шындыққа жанаспайтынын айтты. Оның айтуынша, әмияндағы чип "антиұрлық" және "антиұры" деп аталатын қорғаныш белгісі екен.
"Антиұры" - қауіпсіздік жүйесіне белгі беретін арнайы құрылғы. Мұндай белгілер сатып алушылар тауарды тегін алып кетпеуі үшін дүкендерде қойылады.
