Оның айтуынша, қазіргі таңда "Nur Otan" партиясы айтысты қаржыландыруды қамқорлыққа алған.
"Өткен жылдың қазан айында өткен айтысты, "Алтын домбыраны" да мәдениет және спорт министрлігі қаржыландырып отыр. Оның құпия-сыры жоқ. Мысалы, "Алтын домбыра" додасына 30 миллион теңге көлемінде шығын шықты. Ол тек жүлде ғана емес. Ақындардың жолпұлы, жатын орыны, ішетін тамағы, сахнаның безендірілуі – бәріне ақша шығады", - деді Жүрсін Ерман.
Осы орайда одақ басшысы ең көп көлік ұтқан айтыскерлерді де атады.
"Арамызда 45 көлік мінген ақындарымыз бар. Ол – Аманжол Әлтаев. 35 көлік мінген Айнұр Тұрсынбаева да бар. Бұдан бөлек, бестен-оннан көлік мінген ақындарымыз бар", - деп атап көрсетті Ерман.
