"Қазақстанның оңтүстік облыстарына жылжыған циклон салдарынан жауын-шашын, тұман, көктайғақ және ауа температурасының аздап төмендеуі күтіледі. Ал республиканың басқа аймақтары Ресейдің Еуропалық бөлігінен көшкен атмосфералық ағындардың ықпалында болады, соған байланысты кей жерлерде қар жауып, бұрқасын болады, батыстан екпінде жел соғады және ауа температурасының төмендеуі болжануда", - делінген хабарламада.
Күннің суытуына қарамастан ауа температурасы климаттық нормадан жоғары болады, тек оңтүстікте және шығыста орташа климаттық норма жақын ауа температурасы күтіледі.