Қазақстан арқылы ақырындап жылжып жатқан суық атмосфералық фронттардың әсерінен еліміздің батыс және солтүстік облыстарында жауын-шашын болады. Ауа температурасы төмендеп, үсік жүреді.
Ал демалыс күндері сол фронттардың ықпалынан елдің қалған аумағында кей жерлерде жаңбыр жауып, күн суытады. Орталықта және шығыста түнгі температура минус 1…5°С-қа дейін төмендейді.
29 қыркүйекте Қостанай, Ақмола, Солтүстік Қазақстан, Павлодар, Қарағанды облыстарында, 30 қыркүйекте Шығыс Қазақстан облысының кей жерлерінде жауын-шашын (жаңбыр, жылбысқы қар) болады.
1-3 қазан - Шығыс Қазақстан облысында ауа температурасы 3-8 градус аязға дейін төмендейді. 30 қыркүйек және 1-2 қазан күндері Қызылорда облысының кей жерлерінде топырақ бетінде 1-3 градус үсік жүреді.
29 қыркүйекте Солтүстік Қазақстан облысының кей жерлерінде жауын-шашын (жаңбыр, жылбысқы қар) болады. 30 қыркүйек пен 1-2 қазан күндері ауа температурасы минус 3-8 градусқа дейін төмендейді.
