Ұйым осыған дейін де тіркелуге ұсыныс жасаған болатын. Алайда департамент "құжаттары дұрыс емес" деп беттерін қайтарды. Осыдан кейін қыркүйек айында ұйым департаментті сотқа берген еді.
"12 қыркүйек күні департаментті сотқа бергеніміз туралы баспасөз жиынын өткіздік. 14-і күні бізді департаментке шақырып алып: "Жарғыларыңда түзету енгізетін жерлер бар. Соны өзгертіп әкелсеңіздер, тіркеп береміз", - деді. Біз тіркеген жағдайда жіберген арызымызды қайтарып беруге келістік. Міне, тіркеу құжатымызды қолымызға алдық", - деді ұйым басшысы Ербол Дәулетбекұлы.
Алматы қалалық әділет департаментінің заңды тұлғаларды тіркеу бөлімінің жетекшісі Ақерке Қожахметқызы "Атажұрт еріктілері" ұйымын 24 қыркүйекте тіркегенін растады.
Фото авторы : zhasalash.kz
