"Он жыл бұрын астанада 73 мектеп пен 75 мың оқушы болса, биыл 108 мектеп және қыркүйек айынан бастап, 185 мың оқушы білім алмақ. Сондықтан, елорданы дамытудың кешенді жоспарына сәйкес, алдағы 5 жылда 40 білім беру нысаны салынады", - деді Алтай Көлгінов Қазмедиа орталығында өткен ҚР БҒМ пленарлық отырысында.
Жаңа мектеп құрылысына жеке инвесторлар тартылмақ.
"Біз инвесторларға бар жағдайды жасаймыз. Инвесторлар кеңесінде 11 мектеп құрылысының жеке инвестор есебінен жүргізуді мақұлдадық. Осыдан кейін тағы 2-3 инвестор өз қаражатынан мектеп тұрғызуға ниет білдірді. Егер бұл мектептер салынса, 12 мың оқушыны мектеп орнымен қамтамасыз ете аламыз. Әзірге Нұр-Сұлтан мектептерінде 17 мың орын жетіспейді", - деді елорда әкімі.