"Шавкат Рахмонов UFC-мен келісімшартқа отырды және ол тарихқа ең үздік ММА-ұйыммен келісімшартқа отырған алғашқы қазақстандық ретінде енеді. Дебют қарашаға жоспарланған. Шавкат UFC-дегі алғашқы өкіліміз, бірақ ол соңғысы болмайтынына сенімдімін", - деп жазды оның менеджері Саят Әбдірахманов.
24 жастағы Рахмонов ММА-де 12 жекпе-жек өткізіп, бәрін мерзімінен бұрын аяқтаған. Ол кәсіби дебютін 2014 жылы қарашада бастаған. Биыл наурызда жартылай орта салмақта M-1 Global чемпионы белбеуін иеленген еді, ал маусымда оны қорғап қалған болатын.
Фото авторы : Тұрар Қазанғапов
