USD 424.68
EUR 499.76
RUB 5.77
«Алыптың қуаты – халықта, халықтың қуаты – бірлікте!»
 
RSS лента

Елордада мобильді жұмыспен қамту орталығы ашылды

  • 23.июля.2019, 20:30,
  • 375

Атамекен» Ұлттық кәсіпкерлер палатасы Нұр-Сұлтан қаласында елді жұмыспен қамтуға арналған 8 мобильді орталық ашпақ, деп хабарлайды ҚазАқпарат тілшісі. Соның бірі қаладағы «Эталон» сауда-құрылыс орталығының жанына бой көтеріпті. Палата өкілдерінің айтуынша, еліміздің 3 қаласында дәл осындай 30 мобильді орталық жұмыс істейтін болады.



Базар, вокзал сияқты ел көп шоғырланатын орындарда ашылатын орталықтар таңғы сағат 9.00-ден кешкі сағат 18.00-ге дейін жұмыс пен кәсіп іздеген адамдарды қабылдайтын болады. Орталық мамандары қолында дипломы болса да, мамандығына сай жұмыс таппай жүрген жандарды біліміне сәйкес жұмысқа орналастырып, жоғары білімі жоқ жандарды кәсіби оқу орталықтарына жолдайды. Ал бизнес ашқысы келгендер «Жас кәсіпкер» және «Бастау» жобасы арқылы кәсіпкерлік қырларын меңгереді.


«Атамекен» ұлттық кәсіпкерлер палатасының басқарма төрағасының бірінші орынбасары Эльдар Жұмағазиев мұндай мобильді орталықтар Нұр-Сұлтан, Алматы және Шымкент қалаларында ашылып жатқанын айтады.


«Елордада 8, Алматыда 12, Шымкентте 10 орталық ашып отырмыз. Бұл орталықтың ең басты ерекшелігі жылжымалы етіп салынғанында. Егер орналасқан жерінде келушілер аз болса, адам көп өтетін басқа орынға апарып қоюға болады. Президент мобильді қызмет көрсету орталықтарын халықтың шоғырланған жерлеріне орнату туралы тапсырма бергенін білесіздер. Соған байланысты, «Еңбек» бағдарламасы арқылы қаражат бөліп, 3 қалада 30 орталық аштық. Мұнда негізінен жұмыссыздар мен өзін-өзі қамтамасыз еткен тұлғалар көмек алатын болады», - дейді Эльдар Жұмағазиев.


Орталыққа жүгінген тұрғын тек кәсіпке жолдама алып қана қоймай, жеке тұлғалық қасиеттерін де дамыта алады.


«Келесі бір бөлме орталық көмегіне жүгінген адамның жеке тұлғалық қасиеттерін дамыту бойынша көмек көрсетеді. Азамат біздің мамандармен ақылдаса отырып, алдағы 2-3 жылға табысы мен әлеуметтік статусын, білімін көтеруге арналған жоспар құрады. Орталық өкілдері сол жоспарды орындауға жол сілтеп отырады», - деді «Атамекен» ҰКП өкілі.


Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/elordada-mobil-di-zhumyspen-kamtu-ortalygy-ashyldy_a3550354


Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/elordada-mobil-di-zhumyspen-kamtu-ortalygy-ashyldy_a3550354

скачать dle 12.0
Фото авторы : inform.kz
Тағы да оқыңыздар:
08.07.2019
26.06.2019
26.06.2019
20.06.2019
03.06.2019
ПІКІР
22 июля12:59,
сараптама
Халық екпеге неге сенбейді?  
21 июля17:57,
Тарихи мұра
Жошы ханның дүниеге келуі  
20 июля19:45,
Тарихи мұра
Қыз алыспайтын жер...  
«    Шілде 2021    »
ДсСССрБсЖмСнЖс
 1234
567891011
12131415161718
19202122232425
262728293031