3 маусым күні, Нұр-Сұлтан қаласында көп балалы аналар сол жағалауда Үкімет Үйі алдына жайғасып, наразылықтарын танытқан болатын. Баспана мәселесі шешілмеуіне сәйкес, аштық жариялаған. Күннің ыстығына қарамай, аналар өз талаптарынан қайтпай, ызалы көңілдерін білдірді.
Аналар алдына қала әкімі - Бақыт Сұлтанов, Еңбек және халықты әлеуметтік қорғау министрі - Бердібек Сапарбаев, ҚР Премьер-Министрінің орынбасары - Гүлшара Әбдіқалықова және басқа мемлекеттік қызметкерлер шыққан болатын. Дегенмен, аналар сөздеріне сенбей, өз орындарында қалып, аштықты жалғастыра берген.
Нәтижесінде, кешкі 17:00 сағ. қарай, Президент Әкімшілігінің басшысы Бақытжан Сағынтаев шығып, аналарды сабырға шақырып, өзінің басқарып отырған мекеменің мәжіліс залына алып кеткен.
Қазіргі таңда, аналар өздерінің талаптарын айтып, мәселенің шешілуіне барын салуда. Өзекті мәселе, біздің назарымызда болады.
