Қазақстандық жеңіл атлет 400 метр қашықтықты 45.77 секундта жүгіріп өтіп, мәреге екінші болып келді.
Алтын медаль мексикалық Валенте Мендосаға (45.53) бұйырды, ал Оңтүстік Африка Республикасының атлеті Гардел Эдвард Исакс (45.89) қола медалін иеленді.
Қазіргі таңда Қазақстан құрамасының қанжығасында 6 медаль бар. Дзюдошы Ғалымжан Қырықбай чемпион атанса, гимнастар Нариман Курбанов пен Милад Карими және стенд атушы Зоя Кравченко мен жеңіл атлет Михаил Литвин күміс еншілеген. Сәрсенкүл Рысбекова стенд атудан қола медальді иемденді.
Фото авторы : ҚР ҰОК
Авторы: Аружан Қуандық
