Ескерткіш меценаттардың қаржысына тұрғызылған. Монументтің биіктігі - 7 метр, қатты металдан жасалған. Суретшілер одағының мүсіншілерімен соғылған ескерткіштің салмағы 500 келі тартады.
"Наурыз айынан бастап жұмыс істедік. Қалай шығады деп уайымдадық. Үш нұсқасы болған. Содан осы металдан жасауды таңдадық. Металл тозбайды ғой. Ал авторы мынау деп айта алмаймын. Көпшіліктің идеясы", - дейді Суретшілер одағының төрағасы Әбдумүтәлі Ахметов.
"Қазақ xалқы жылап-жылап болдық қой. Енді күліп жүретін заман. Мен өзім бұрын мектеп кезінде домбыра үйренгем. Бір-екі күй білемін. Соны қайта үйренсем деп жүрмін", - деді қала әкімі Ғабидолла Әбдірахымов.
Домбыра монументі Түркістан сарайының алдында орнатылған.
Фото авторы : otyrar.kz
