Қайырымдылық шарасында сөз алған облыстың бас имамы Төлеби Оспан жиналған қауымға қайырымдылық пен жақсылықтың сауабы жайлы уағыз-насихат айтты.
"Зекет – табысты берекелендіріп, кәсібі мен отбасына құт әкеледі. Мұқтаж жандарға көмек көрсетіп жатқан Қажымұқан Тыныштықұлына алғыс білдіреміз. Ауқымды қаражатты зекет ретінде таратуы – жомарттығы әрі Алланың әміріне бағынуы деп білеміз. Алла сарқылмас сауаптар жазсын!", - деді бас имам.
Көмек әртүрлі санаттағы мұқтаж және көпбалалы отбасылар мен Ақтөбе медресе-колледжінің шәкірттеріне берілді. Мұқтаж 30 адамға жалпы ақшалай 1 млн теңге таратылды.
#зекет #мешіт #имам #айт #ораза #дін #Ақтөбе