Аймақ полициясы департаментінің материалдары бойынша, 2019 жылғы 14 қарашада Зеренді полиция бөлімшесіне крестьяндық шаруашылықтың басшысынан 100-ден астам жылқының жоғалғаны туралы телефондық хабарлама келді. Хабарлаған адам жоғалған табынның бір бөлігі Зеренді ауданының Баратай ауылының тұрғындарына, қалған бөлігі крестьяндық шаруашылыққа тиесілі екенін түсіндірді. Бастапқыда ауыл тұрғындары өздерінің күштерімен іздеу жұмыстарын бастады. Алайда іздеу жұмыстары ешқандай нәтиже бермегеннен кейін, кешкі 17.00-ден кейін ауыл тұрғындары полицияға арызбен келді. Іздеу жұмыстарын ұйымдастыру үшін 4 мобильді топ жасақталды, олар дала ішінде автокөлік арқылы іздеу жұмыстарын өткізді. Табын жоғалған орыннан 15 км қашықтықта, Зеренді ауданының Жолдыбай ауылының қасынан табылды.
Жылқылардың нақты орнын табуда спутник мониторинг жүйесі өз көмегін көрсетті. Кішігірім gps-треккерлер бірнеше жылқыға орналастырылған екен, бұл жағдай табынның орналасқан жерін анықтауға көмектесті.
Осындай бір жағынан қарастырсан қарапайым, бірақ барлық шаруашылықтарда қолдана берілмейтін технологиялық шешімдерді қолдану қалыпты жұмыс, бәсекеге қабілеттілікті жоғарылату, қауіпсіздікті қамтамасыз ету тәсілдерінің бірі бола алады. Осылайша, біртіндеп қарапайым технологиялық шешімдерден күрделі технологияларға көшіп, технологиялық даму деңгейін жоғарылатудың бірден бір жолы.
