Митингіге оппозиционер Алексей Навальный, Екатеринбургтің бұрынғы әкімі Евгений Ройзман, журналист Юрий Дудь және өзге танымал белсенділер қатысқан.
Шілде айының соңында Мәскеу тұрғындары "рұқсат етілмеген митингіге" шығып, "тәуелсіз кандидаттарды қалалық дума сайлауына жіберуді талап еткен". Бұл акция кезінде полиция 1300-ден астам адамды ұстады. Екі күннен соң тергеу комитеті "жаппай тәртіпсіздік ұйымдастыру" ісі бойынша қылмыстық іс қозғады. Бұл іс қоғамда "Мәскеу ісі" деген атпен белгілі.
"Мәскеу ісі" бойынша 20 адамға айып тағылды. 30-ға жасқа толмаған азаматтардың кейбірін "полиция қызметкеріне күш көрсетті" деп айыптады."Мәскеу ісі" бойынша айыпталғандардың соңы үш жылдан, он жылға дейін сотталуы мүмкін еді. Қоғам қысымынан кейін бес айыпталушы ісі жабылып, қалған 15 адамға "жеңілірек" бап бойынша айыптар тағылды
