USD 452.94
EUR 489.04
RUB 4.9
«Алыптың қуаты – халықта, халықтың қуаты – бірлікте!»
 
RSS лента

Еуро-2020: Италия Бельгияны ұтып кетті

  • 03.июля.2021, 11:52,
  • 231

Еуро-2020 турнирінің ширек финалында Бельгия мен Италия құрамалары өзара мықтыны анықтады. Кездесу Мюнхендегі (Германия) "Альянц Арена" стадионында өтіп, 2:1 есебімен италиялықтардың пайдасына аяқталды. 

Барлық голдар бірінші таймда соғылды. 31-минутта жартылай қорғаушы Николо Барелла Тибо Куртуаның қақпасын дәл көздеп, есеп ашты. 44-минутта Лоренцо Инсинье допты алыс тоғыздыққа тоғытып, есепті еселеді. Жіберілген голдан кейін бельгиялықтар пенальти тебу құқығына ие болды, ал Ромелу Лукаку бұл мүмкіндікті өз пайдасына жаратты. Командалар екінші таймда көптеген шабуылдар ұйымдастырғанымен, есеп өзгеріссіз қалды.

Осылайша, "Скуадра Адзурра" турнирдің жартылай финалына шықты. Роберто Манчинидің командасы келесі кезеңде Испания құрамасымен кездеседі.


Матчтың негізгі және қосымша уақыты 1:1 есебімен аяқталды. Пенальти сериясында "қызыл фурияның" бағы жанды - 3:1.

Матчтағы алғашқы голды 8-минутта Испания құрамасы соқты. Жорди Альбаның алыстан бағыттаған соққысы Денис Закарияға тиіп, Ян Зоммер тұрған қақпаның торында тулады. 58-минутта Швейцария құрамасы есепті теңестіріп, интриганы жандандырды, гол авторы - Шердан Шакири. 77-минутта Швейцарияның жартылай қорғаушысы Ремо Фрейлер қызыл қағаз алды. Матчтың негізгі уақыты тең ойынмен аяқталды, ойын қосымша уақытқа ұласты.

Кездесудің қосымша уақытында гол соғылған жоқ. Пенальти сериясында Швецарияның үш ойыншысы гол соға алмады. Ал Испания сапында екі ойыншысы бұл мүмкіндікті мүлт жіберді. Қорытынды есеп - 1:3.


#матч #УЕФА #Италия #Бельгия #жеңіс #футбол 

скачать dle 12.0
Фото авторы : uefa.com
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Ақпан 2024    »
ДсСССрБсЖмСнЖс
 1234
567891011
12131415161718
19202122232425
26272829