Осы айда Арыс тұрғындарына 100 мың теңгеден беріле бастайды. Бұл туралы бүгін Арыс қаласындағы төтенше жағдайдың салдарын жою бағытында атқарылған жұмыстар және алдағы жоспарлар жөніндегі кеңейтілген брифингте айтылды.

2019 жыл - еліміздегі митинг өткен жылдардың ішіндегі рекордсмен атағына лайықты. Көпбалалы отбасылар ахуалы, елорда атауын өзгерту, Президент сайлауы сынды өзекті мәселелер шеруге шыққандардың басты назы. Бұған дейінгі митингтер рұқсат етілмеген болып есептелінді. Наразы азаматтардың біразы ұсталынып, босатылды. 

Теңіз кен орнында болған жұмысшылар арасындағы жанжал басылды. Бұл туралы Қазақстанның ішкі істер министрлігінде хабарлады.

Теңізде тәртіпсіздік басталды. Төбелес себебі - WhatsApp арқылы тараған фото.

Биыл елорда өзінің 21-ші мерейтойын атап өткізбекші. Нұр-Сұлтан қаласы әкімдігі мәлімдеуінше, қала туған күніне орай шамамен 108 іс-шара өтеді, оның 80-нен астамы тегін. Концерт ұйымдастырушылары билет сатудан түскен қаржы Арыс қаласының зардап шеккен тұрғындарына арналған көмек қорының шотына аударылатынын айтты. 

Ақпан айында ата-ана қарауынсыз болған отқа оранған бес апалы-сіңлілердің қазасы ел есінде. Дүйім жұртты қаратқан қайғылы оқиға көпбалалы аналар мен отбасылар ахуалына назар аудартты. Елордада бүлдіршіндерге арнап ескерткіш қойылмақ. 

Арыс қаласындағы болған жарылыстың кесірінен жергілікті халық баспаналары зақымданды. Оларды қалпына келтіру жұмыстары басталды. Бүгінгі таңда 247 жеке үй жөнделіп жатыр.