Ұлттық Кеңестің 44 мүшесі негізгі үш топқа - саяси, әлеуметтік және экономикалық реформалар бойынша бөлініп, бүгінгі күнге өздерінің есептерін баяндап берген болатын. Кейбірінің есептері жалпылама болса, ал басқаларында нақтыланған болатын.
Әлеуметтік желіде және қоғамда қызу талқыланып жүрген кейбір тақырыптар бойынша да ойлар айтылған. Әсіресе, қазақ тілінің мәртебесі, жұмыссыздық деңгейі, жаңаөзендіктердің жағдайы, қытайдың 55 зауыты, зорлық-зомбылықтың күрт өсуі, ұлттық құндылықтар, жер мәселесі, сайлау мен Парламент жөнінде және митинг жайында заңдардың шикілігі сияқты тақырыптар қозғалған.
Бірақ ұсыныстар ұсыныспен, ал іске асыру мүмкіншілігі мен тетіктері жайында қалды деп айта аламыз. Енді айқындалған мәселелер қашан және қалай шешілетіні нақты белгісіз. Сонымен қатар, келесі жиналыс қашан және қалай болатыны жайлы ақпарат берілген жоқ.
Ұлттық Кеңес, Қасым-Жомарт Тоқаев, митинг, қазақ тілі, қоғам
