USD 472.68
EUR 466.91
RUB 8.01
«Алыптың қуаты – халықта, халықтың қуаты – бірлікте!»
 
RSS лента

Нығматулин Словакия Сыртқы және еуропалық істер министрімен кездесті

  • 11.қазан.2021, 16:56,
  • 145

Мәжіліс Төрағасы Нұрлан Нығматулин Словакия Республикасының Сыртқы және еуропалық істер министрі Иван Корчокпен кездесіп, екі ел арасындағы ынтымақтастықтың негізгі басымдықтарын талқылады.

Кездесу барысында Нұрлан Нығматулин Словакия Қазақстан үшін маңызды серіктес ел екенін, екі ел арасындағы дипломатиялық қарым-қатынастардың орнаған жылдар ішінде елдер арасында сенімді саяси диалог жолға қойылып, сауда-экономикалық және мәдени-гуманитарлық ынтымақтастықты дамыту үшін қолайлы жағдайлар жасалғанын атап өтті.


Нұрлан Нығматулин мәртебелі мейманға кездесулер барысында қол жеткізілген барлық келісімдерді іске асыру Қазақстан мен Словакия арасындағы жемісті ынтымақтастықты одан әрі дамытуға ықпал ететінін жеткізді.


Сонымен қатар, отырыста Мәжіліс Төрағасы Парламенті Мәжілісінің заң шығарушылық жұмысы туралы айтып, Мемлекет Басшысы Қасым-Жомарт Тоқаев бастамашы болған саяси жүйені жаңғырту үдерістерін қолдау, азаматтық қоғамды дамыту үшін заңнамалық база құру жөніндегі жұмыстарға тоқталды.


Нұрлан Нығматулин атап өткендей, бүгінде екі елдің Парламент өкілдері Еуропадағы қауіпсіздік және ынтымақтастық ұйымы Парламенттік Ассамблеялары, Еуропа Кеңесі, Парламентаралық Одақ сияқты парламентаралық ұйымдар аясында өзара іс-қимыл жасауда.


Өз кезегінде, Иван Корчок Қазақстан мен Словакия арасындағы байланыс, оның ішінде парламентаралық қарым-қатынасты нығайтуға ниетті екенін айтты. Сонымен қатар, Словакия Республикасының Сыртқы істер министрі Қазақстан Тәуелсіздігінің 30 жылдығымен құттықтап, Қазақстан Орта Азия бойынша жаңғыру, адам құқығы, азаматтық қоғам жағынан көш бастап келе жатқанын атап өтті.


Нұрлан Нығматулин мен Иван Корчок парламентаралық диалогты нығайту Қазақстан мен Словакия арасындағы өзара тиімді ынтымақтастықты дамытуға ықпал ететініне сенім білдірді.

скачать dle 12.0
Тағы да оқыңыздар:
29.09.2021
26.08.2021
07.06.2021
01.04.2021
11.03.2021
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Қазан 2022    »
ДсСССрБсЖмСнЖс
 12
3456789
10111213141516
17181920212223
24252627282930
31