"Қазақстанның Кабулдағы елшісі Әлімхан Есенгелдиев пен Ауғанстанның уақытша үкіметі құрамында сыртқы істер министрі міндетін атарушы Әмір Хан Муттаки кездесуінде ауған халқына көрсетілетін азық-түлік және басқа да гуманитарлық көмек мәселелері талқыланды", - деп хабарлайды Қазақстан Республикасы Сыртқы істер министрлігінің баспасөз қызметі.
Ауғанстан Сыртқы істер министрлігінің басшысы қазақстандық тарапқа өтпелі ауыр кезеңде ауған халқына елеулі қолдау көрсетуге дайын екендігі үшін алғысын білдірді.
"Қазақстандық дипломаттың айтуынша, Ауғанстанның жаңа билігі барлық елдермен бейбіт қарым-қатынас орнатуға дайын екендігін растайды, бірінші кезекте көршілермен және аймақтағы мемлекеттермен, сондай-ақ олардың тарапынан қандай да бір қауіптің туындауына жол бермеуге дайын. Қазақстанның сыртқы саясаты, әсіресе ауғандық бағытта құрметке ие екені айтылды", - делінген баспасөз қызметі хабарламасында.
Талибан - Қазақстан аумағында және әлемнің басқа да бірқатар елдерінде тыйым салынған ұйым. 15 тамызда "Талибан" радикалдықозғалысы Ауғанстанның бүкіл аумағына толық бақылауына алғанын жариялады.
