Алматыда карантин күшейтіле ме?

10.сәуір.2021, 10:56,

244

Алматы қаласы санитарлық-эпидемиологиялық бақылау департаменті басшысының орынбасары Әсел Қалықова коронавирус жұқтырғандар санының көбеюіне байланысты Алматыда карантин шаралары күшейтіле ме деген сұраққа жауап берді.

Әсел Қалықовадан тілшілер "қалада коронавирус жұқтырғандар санының 700-ден асуына байланысты Алматыда карантин күшейтіле ме" деп сұрады.

"Егер карантинді күшейту шарасы туралы айтатын болсақ, мәселе жағдай одан әрі нашарласа және инфекциялық стационарларға жатқызу дерегі көбейген кезде қаралады", - деп жауап берді Әсел Қалықова.

Бұған дейін Алматы қаласының Санитарлық-эпидемиологиялық бақылау департаментінде 9 сәуірдегі эпидемиологиялық жағдай туралы айтылған еді.

"Эпидемия басталғаннан бері 9 сәуірде коронавирус инфекциясын жұқтарған 39 655 жағдайы тіркелді, 2021 жылдың наурызында 9 525 жағдай, соңғы тәулікте 717 адам тіркелді. Тәуліктік өсім 1,8. Соңғы 7 күнде 100 мың тұрғынға шаққандағы көрсеткіш, алдыңғы 7 күндегі 215,2-ге қарағанда R = 1,132", - деді ведомствоның баспасөз қызметі өкілі.

#коронавирус #пандемия #Алматы #эпиджағдай #карантин