Республикалық маңызы бар төрт автомобиль жолы астанаға қарасты аймақты басып өтеді. Олардың екеуі - Нұр-Сұлтан-Щучье және Нұр-Сұлтан-Қарағанды бұрыннан ақылы әрі көпжолақты болып табылады.
Қалған екі авто магистраль - Нұр-Сұлтан-Павлодар және Нұр-Сұлтан-Қостанай жолдарында биыл ақылы төлем жүйесі енгізіледі. Төрт жолақты жоғары жылдамдықтағы автомобиль жолы еліміздің шығысына қарай бағытталған, ал М-36 жолының Қостанайға дейін жалғасы әзірге екі жолақты болып қала береді. Бұл осы бағыттағы қозғалыс тығыздыңының жеткіліксіз қарқынымен байланысты, делінген хабарламада.
Нұр-Сұлтан-Павлодар тас жолының ұзындығы 396 шақырымды құрайды. Ақылы бөлігі Павлодар, Екібастұз, Ақсу қалалары мен Ерейментау ауданы арқылы өтеді.
Мұнда қазірдің өзінде 7 басқару аркасы орнатылған. Жол І-ші техникалық санатқа жататындықтан, оған рұқсат етілген ең жоғары жылдамдық 140 км / сағ құрайды.
Нұр-Сұлтан-Қостанай жолының ұзындығы 650 км құрайды. Ақылы учаскеде 9 арка орнатылған, олар осы көктемде сынақ режимінде жұмыс істей бастайды.
Жеңіл автокөлік иелері мұнда ақы төлемейді, өйткені жол ІІ және ІІІ-санаттағыучаске болып табылады.
