"2 ақпанда Қазақстанның оңтүстік-шығыс бөлігіне Иран аумағынан оңтүстік циклондар шығып, жылу келді. Түнде жауын-шашын жаңбыр түрінде болды, бірақ тауларда төмен температура сақталатындықтан қар түсті", - деді "Қазгидромет" РМК Алматы бөлімшесінің инженер-синоптигі Гүлтансын Медеуова.
2 ақпанда ауа температурасы +10 градусқа дейін барды. Жылдың осы мезгілінде Алматыдағы ең жылы күн саналатын рекорд көрсеткіш +13 градус, ол 2007 жылы болған.
Бұл ретте "Қазгидромет" синоптиктері алматылықтарды 10 ақпанға дейін ғана жылудан ләззаттана алатынын ескертеді. Жаңбыр жаууы да ықтимал.
"Ақпанның екінші онкүндігінде, 15-сі мен 20-сы аралығында температураның төмендеуін күтеміз. Түнде тұман түсіп, көктайғақ болады", - деді Гүлтансын Медеуова.
Еске салайық, бұдан бұрын "Қазгидромет" өкілдері ақпанда Қазақстанда ауа райы қандай болатынын хабарлаған.
#алматы #ауарайы #қазгидромет #температура #синоптик
