USD 419.54
EUR 509.2
RUB 5.72
«Алыптың қуаты – халықта, халықтың қуаты – бірлікте!»
 
RSS лента

Павлодарда белгісіз адамдар сейфтен 10 миллион теңге ұрлап кеткен

  • 25.қараша.2020, 15:16,
  • 104

Павлодарлық полицейлер он миллион теңге ұрлаған екі күдіктіні ұстады, – деп хабарлайды Polisia.kz

25 қыркүйекте ер адам Павлодар облысының полицейлеріне белгісіз біреулердің автокөлігінің терезесін сындырып, он миллион теңге ақшасын ұрлап кеткені туралы хабарлаған.

Жәбірленуші Қарағанды қаласында тұрады және жүк көлігімен Қарағанды – Семей қалалары арасында жүк тасымалдаумен айналысады. Ол бір күн бұрын туысымен бірге Семей қаласына тоғыз тонна көкөніс пен жеміс-жидек алып келіп, онда тауарды базарға түсіріп, әкелген тауары үшін қомақты ақша алған.

Ер адам ақшаны қағаз конверттерге салып, машинаның орындығының астында орналасқан темір сейфке салған.

Сейф құлыпталатын және көліктің орындығына дәнекерленген болған. Жолда ер адамдар Павлодар қаласына тамақ ішу үшін тоқтаған, бірақ 30 минуттан кейін асханадан шыққан ер адам көлігінің терезесі сындырылғанын, ал жүргізуші отыратын орындық пен оған дәнекерленген сейфтің мүлдем жоқ екенін көрген.

"Жедел-іздестіру іс-шаралары барысында павлодарлық жедел уәкілдер он миллион теңге ұрлаған екі күдіктіні ұстады. Олар Шығыс Қазақстан облысының тұрғындары болып шықты, олардың біреуі бұрын сотталған.

Жедел уәкілдер бейнебақылау камераларының көмегімен қаскүнемдердің  жәбірленушілердің ізіне Семей қаласындағы базарлардың бірінде түскенін анықтады. Кәсіпкерлердің қомақты ақшасының бар екенін байқаған олар қылмыстық жоспар құрып, оны Павлодарда жүзеге асырған.

Осы дерек бойынша ҚР Қылмыстық кодексінің 188-бабы ("Ұрлық") бойынша сотқа дейінгі тергеу амалдары жүргізіліп жатыр", - деді полиция департаментінің бастығы Нұрлан Мәсімов.



#ұрлық #қылмыс #ақша #сейф #полиция #павлодар #қазақстан 

скачать dle 12.0
ПІКІР
12 қантар12:20,
Экономика
Биыл экономика өседі  
05.09.2019, 09:30 388 593

Айгүл Орынбек


«От правды не убежишь» - плакаты үшін сотталған жастардың әрекетінде заң бұзушылық байқадыңыз ба?
«    Қантар 2021    »
ДсСССрБсЖмСнЖс
 123
45678910
11121314151617
18192021222324
25262728293031