USD 425.05
EUR 509.29
RUB 5.58
«Алыптың қуаты – халықта, халықтың қуаты – бірлікте!»
 
RSS лента

Алматыдағы эпидемиялық жағдай күрделенді

  • 26.қазан.2020, 09:25,
  • 71

Адамдар Covid-19 көшеден жұқтырып жатыр.

Cырқаттанғандардың 38%-ының жұқтыру себебі - бұқаралық іс-шараларға қатысу.

Алматы қаласы тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, Алматы қаласында 23-ші қазандағы жағдай бойынша коронавирус инфекциясының (КВИ) 14607 оқиғасы тіркелген, оның 8762-сі симптомды, 5845-сі симптомсыз.

"Соңғы тәулікте COVID-19-дың 44 жағдайы және анықталмаған пневмонияның 5 жағдайы тіркелді. Тәуліктік өсім 0,3%, жұқтыру коэффициенті – 1,37 құрады. Ағымдағы аптада КВИ ауруының деңгейі бірінші аптаның деңгейінен 9 есе асып түсті. Қаладағы жағдай шиеленісе түсуде және аурушаңдықтың өсіп келе жатқаны байқалуда", - деп атап өтті Жандарбек Бекшин, Қаланың бас мемлекеттік санитарлық дәрігері.


Жалпы әлемдегі эпидемиялық жағдай нашарлап бара жатқаны атап өтілді. Мысалы, Ресейде күніне 12 мыңнан астам жағдай тіркеледі, Еуропа мен Америка аймағында да осындай жағдай. АҚШ-та тәулігіне шамамен 60 мың жағдай, Францияда - 30 мың жағдай, Ұлыбританияда – 14 мың жағдай, Испанияда, Германияда және Италияда 5-15 мың жағдай тіркелген.

Ж.Бекшин атап өткендей, қалада сырқаттанушылықтың өсу себебі – жаппай көпшілік шараларды ұйымдастыруда және өткізуде халық тарапынан жалғасып жатқан бұзушылықтар-бірінші кезекте үйлену және еске алу шаралары аса қауіпті, өйткені ондай жиындар көп адамның жиналуымен және желдетілуі нашар жабық үй-жайларда өткізіледі. Мұндай іс-шараларда қонақтардың ұзақ уақыт отыратыны және кеңінен байланыс жасайтыны белгілі.

"Менің той ұйымдастырушыларына айтпағым: Сіз өзіңізге ғана емес, барлық қонақтарға, инфекцияны өзіне жұқтыру арқылы оны отбасыларына тарататын қарт туыстарға да қауіп төндіресіз. Сондай - ақ, той немесе еске алу кезінде мониторингтік топтардың талабы бойынша іс-шараны тастап кетуге мәжбүр болған қонақтарды ыңғайсыз жағдайға қалдырасыз, - деді Ж.Бекшин. - Бұл әртүрлі көпшілік іс-шараларға қатысқан науқастардың 38% -на жұқтыруға себеп болды".


Эпидемия немесе оның қаупі жағдайында бір отбасы мүшелерін қоспағанда, 10-нан астам адамның жиналуы жаппай шара болып табылады.

Соңғы аптада Алматының мониторингтік топтары бірқатар бұзушылықтарды анықтады: Медеу ауданында "Black hall Bar" пабы, "Bla Bla Bar" бары сағат 24.00 –ге дейін жұмыс істеген, Түрксіб ауданында "Эрмитаж" дәмханасында банкеттік іс - шара (үйлену тойы), "Золотой кувшин" дәмханасында отбасылық іс - шара, Наурызбай ауданында "Алтын" мейрамханасында - ұзату, "Tengri" дәмханасында-мерейтой. Бұл нысандарда мониторингтік топтардың қызметкерлері қонақтарды таратып жіберді. Тәртіпбұзушылықтар қайталанған жағдайда объектілер сот тәртібімен жабылатын болады.

"Алматыда сырқаттанушылықтың өсуінің екінші себебі – қоғамдық көлік, онда бетперде режимі жиі бұзылады, қолғап пайдаланылмайды. Сондықтан біз бетперде мен қолғап кию режимін қатаң сақтауды талап етеміз", - деді қаланың бас санитар дәрігері.

Үшінші себеп-ұйымдарда коронавирус инфекциясының көп тіркелуі. Қызметкерлердің көп жиналуын төмендету және жұмыста да, жұмысқа барар жолда да байланысты шектеу үшін ТКҚСҚБД тіршілік әрекетін қамтамасыз ету объектілерін қоспағанда, қызметкерлердің кемінде 30% - ын қашықтықтан жұмыс режиміне көшіруді талап етеді.

Төртіншіден, аурудың өсуінің себебі-отбасында қайта жұқтыру. Ересектер, әсіресе жастар, түнгі клубтар мен тамақтану орындарына барғанда, инфекцияны қарт отбасы мүшелері, ата-аналары, аға-інілері бар отбасыларға әкеледі.

Алматы қаласы бойынша 2020 жылдың 8 қазанынан бастап карантиндік шараларды сақтау бойынша мониторингтік топтардың жұмысы күшейтілді. Аудандық әкімдіктер жанында 26 мониторингтік топ жұмыс істейді, олар жергілікті жерлерде эпидемияға қарсы іс-шаралардың орындалуын бақылау мақсатында объектілер бойынша күн сайын тексеру іс-шараларын жүргізеді. Ағымдағы жылдың 8 қазанынан бастап бүгінгі күнге дейін мониторингтік топтармен 1656 объект қамтылды, оның ішінде карантин кезеңінде жұмыс істейтін 406 объектіде маска режимін бұзу анықталды. Жеке тұлғаларға қатысты бетперде режимін бұзғаны үшін ҚР ӘҚБтК-нің 425-бабының 1-тармағы бойынша 3,9 млн теңге сомасына 94 әкімшілік құқық бұзушылық туралы хаттама толтырылды.

Алматы қаласының БМСД 15.08.2020 ж. №56 қаулысына сәйкес қызметіне тыйым салынған нысандар (түнгі клубтар, караоке, букмекерлік кеңселер, компьютерлік клубтар, бильярд клубтары, интернет-клубтар және басқалар), сондай-ақ адамдар көп жиналатын салтанатты, отбасылық іс-шаралар (үйлену тойлары, мерейтойлар, банкеттер) анықталды. Қоғамдық тамақтану объектілерінің (дәмхана, мейрамханалар) жұмыс режимін бұзу, сағат 23.00-ден кейін қонақтардың көп жиналуы фактілері бар, сауда және қызмет көрсету салаларындағы нысандарда (сұлулық салондары, дүкендер, Автожуу) журналда белгілей отырып, қызметкерлердің күнделікті термометриясы жүргізілмейді, маскалық режим сақталмайды, қолды өңдеуге арналған санитайзерлер жоқ. Барлық жағдайларда белгіленген алдын алу және шектеу шараларын сақтау бойынша түсіндіру жұмыстары жүргізілді.


#эпидемия #коронавирус #ахуал #медицина #індет

скачать dle 12.0
Тағы да оқыңыздар:
13.10.2020
13.10.2020
17.07.2020
04.07.2020
24.02.2020
ПІКІР
28 қараша10:01,
Тарихи мұра
Қой сою туралы  
27 қараша12:49,
саясат
ЖСДП "байкот" жариялады  
05.09.2019, 09:30 388 593

Айгүл Орынбек


«От правды не убежишь» - плакаты үшін сотталған жастардың әрекетінде заң бұзушылық байқадыңыз ба?
«    Желтоқсан 2020    »
ДсСССрБсЖмСнЖс
 123456
78910111213
14151617181920
21222324252627
28293031