ҚР бас мемлекеттік санитарлық дәрігері Айжан Есмағамбетова бүгінгі таңда 45719 жағдай тіркелгенін айтты.
"Қазіргі уақытта коронавирус инфекциямен сырқаттану бойынша эпидемиологиялық жағдай тұрақты емес. 4 шілдедегі жағдай бойынша, 45719 жағдай тіркелді. Аурудың симптомсыз және жеңіл өтуі 21 819 науқаста байқалады. Аурудың орташа дәрежеде өтуі 23 645 науқаста болса, 15 276 науқас сауығып шықты. 30 219 науқас ем алып жатыр. Соңғы айда коронавирус инфекциямен ауырғандар саны Нұр-Сұлтан, Шымкент, Алматы қалаларында, БҚО,Қарағанды және Атырау облыстарында тіркелді. Соңғы тәулікте 1644 жұқтыру жағдайы тіркелді", - деді ол.
Оның айтуынша, 4 шілдедегі жағдай бойынша ауырған адамдардың жалпы көрсеткішінің 42 пайызы профилактикалық тексеру кезінде анықталған.
"37 пайызы - байланыста болған адмдар арасында, 19 пайызы - өздігінен жүгіну кезінде, 2 пайызы – сырттан келгендерде анықталды. Мемлекеттік комиссия 5 шілдеден бастап қатаң карантиндік шектеулерді енгізді", - деді ол.
#айжанесмағамбетова #коронавирус #инфекция #нұр-сұлтан #конференция
Бір тәулікте коронавирустан 10 адам, пневмониядан 20 адам қайтыс болды - Цой
