USD 432.23
EUR 506.79
RUB 5.45
«Алыптың қуаты – халықта, халықтың қуаты – бірлікте!»
 
RSS лента

Шымкентте құдықта 2-3 жыл жатқан әйелдің мүрдесі табылды

  • 14.қазан.2020, 19:48,
  • 46

Қазір марқұмның кім екені анықталып жатыр. 

Марқұмның жасы шамамен 30-да, ал бойы 155-160 сантиметр ғана екен. 

Бұл жағдай Теріскей шағын ауданы тұрғындарын елең еткізді. Мәйіт осындағы 46-ші көпқабатты тұрғын үйдің артындағы елеусіз шұңқырдан табылған. Шамасы күдікті бұл жерден ешкім жүре қоймайтынын біліп, әдейі жасырып кетуі мүмкін.

Тереңдігі 2 метр болатын шұңқырдың ішіне мәйітті көрпеге орап, тастап кеткен. Алдын ала болжам бойынша, әйел адамның денесі бұл жерде екі жылдан астам уақыт жатып қалған.


"Көрпені ашып көргенде, ішкі киімдері мен адам қаңқасы ғана шыққан. Қазір, осы іс бойынша Еңбекші аудандық полиция бөлімі "кісі өлтіру" бабымен тергеу амалдарын бастап кетті".


Арман Мекенбаев, Шымкент полиция департаменті бастығының орынбасары:


"Сот-медициналық сараптаманың қорытындысына сәйкес, әйел азаматшаның өлімі сараптамасына дейін бір жылдан астам уақыт бұрын орын алған. Мәйіттің сүйек-қаңқаларында жарақаттар анықталмады. Қазіргі уақытта мәйіттің жеке басын анықтауға және қылмысты ашуға бағытталған барлық жедел ісшаралар жүргізілуде".


Теріскей – қаладағы халқы тығыз қоныстанған шағын ауданның бірі. Мұнда көпқабатты тұрғын үйлер өте көп. Тәуліктік және ұзақ мерзімге пәтер жалдап тұратындар да жетерлік. Сондықтан, марқұм осы маңда уақытша пәтер жалдап тұрған болуы да мүмкін дейді тұрғындар.


"Бері қараңыз, "Нұрсәтте" аз болуы мүмкін. Білемін. Себебі, ол жерде немен үй алған. Ал, бұл жерде былай қарап тұрсаң, көп қой квартиранттар".


Сондықтан, тәртіп сақшылары төңіректегі әрбір пәтерге бас сұғып, соңғы 2-3 жылда іс-түссіз жоғалып кеткендер туралы ақпарат іздестіріп жатыр. Әзірге, бұл маңайдан туысын жоғалтқан жандар табылған жоқ. Айта кетейік, марқұмның жасы шамамен 30-да, ал бойы 155-160 сантиметр ғана екен. Қазір, мәйіт сараптамаға жіберілген. Егер қандай да бір ақпарат білетін азаматтар болса, Шымкенттегі Еңбекші аудандық полиция бөліміне хабарласуына болады.



#мәйіт #шымкент #құдық #оқиға #өлім 

скачать dle 12.0
ПІКІР
27 қазан20:47,
Әлем
Хабиб жарақат алды  
05.09.2019, 09:30 388 593

Айгүл Орынбек


Елорданы – «Нұр-Сұлтан» атауына өзгертуі дұрыс па?
«    Қазан 2020    »
ДсСССрБсЖмСнЖс
 1234
567891011
12131415161718
19202122232425
262728293031